Wy sćo how: wó nas » šulski pro... » Šulski pro...
Šulski profli
Wopisowanje a zaměr šulskego žywjenja
- Smy gromaźeństwo wuknicow/wuknikow, starjejšych a ceptarkow/ceptarjow kótarež jo žywe w šuli w partnarskej atmosferje na zakłaźe tolerance a spšawnosći.
- Wuwijamy aktiwnje serbsku kulturu a glědamy togodla na to, až nałožujomy konsekwentnje serbsku rěc. Na našej šuli zmóžnijomy dalejwjeźenje Witaj-projekta.
- Bikulturelna wósebnosć našeje šule dajo wuknjecym rownocasnje jadnorazowu móžnosć, multikulturalitu wósobinski póznaś a aktiwnje sobu wuwijaś.
Wopisowanje a zaměr wucby
- W našej wucbje glědamy wósebnje na wusoku kwalitu pśez pozitiwnu źěłowu atmosferu a kreatiwnosć.
- Wuwijamy pśez na wuknice/wuknikow zaměrjone a nutśikowno-diferencěrowane źěłanje indiwiduelne zamóžnosći našych wuknicow a wuknikow dalej, tak, až dojśpiju nejlěpše wótzamknjenja.
- Naše wuknice a wukniki nawuknu serbsku rěc, aby ju aktiwnje nałožowali.
- Serbske tematiki a nastupnosći mjeńšynow powšyknje su wobstatk w wšyknych wucbnych pśedmjatach.