Wucba w LuBK glěda mjazy drugim na indiwiduelne pśichylnosći a wobdarjonosći źiśi a wuzamóžnijo je, se pśecej wěcej samostatnje wědu pśiswójiś a pśi tom kreatiwitu w zaběranju z wěcu wuwijaś.

Rěcne wobdarjonosći se systematiski dalej wuwijaju ze zawjeźenim 2. cuzeje rěcy serbšćina wót 5. lětnika a z biligualneju wucbu wót 7. lětnika (Witaj).

Wuwiśe towarišnostnowědomnostnego profila teje rědownje dojśpijomy pśez rozestajenje z kompleksnymi towarišnostnymi a specielnje na region wusměrjonymi problemami a pódpěrujomy wobźělenje wuknicow a wuknikow na demokratiskem wugótowanju našeje šule.

Za to zasajźijomy se mjazy drugim za pśedmjat pśesegajuce projektowe źěło, kótarež zmóžnijo kuždemu na problem wusměrjone źěło a pódšmarnujo rownocasnje indiwiduelnu móc wuknika. Wažne za nas jo zwězanje šulskointernych curriculumow tych pśedmjatow, kótarež maju za naš profil wósebny wuznam (Ni, Ser, St, Wžen, Pk, Z).

• Wuzgónjowanje znajobnosćow wuknikow na zachopjeńku

• Wobźělenje na olympiadach

• Zgromadna konferenca wobźělonych wucbnych pśedmjatow na zachopjeńku šulskego lěta a/abo pśed projektowym źěłom

• na zachopjeńku kuždego šulskego lěta jaden projekt