Na 11.5.2009 groni se zasej na DSG Chóśebuz wjasele: Witajśo k nam! Wutšobnje se wita 15 českich wuknicow a wuknikow a jich ceptarja, kótarež se docakaju wót swójich Chóśebuskich gósćinarjow. Te raźi se dopomnjeju na dny w nazymje 2008, kótarež su pśebywali w Hořicach.

Z wjelikim entuziazmom su se wósymkarje wótměnjaty program wumyslili a organizatoriski pśigótowali, až tych 6 dnjow až do 15. maja jo rowno tak połne z dožywjenjami. W srjejźišću stoj teke pśi tom 2. zmakanju zgromadne projektowe źěło. Zaměr jo, zgromadnje wobrazowu zběrku wó Chóśebuzu naźěłaś.

Za to se planujo wjele aktiwitow, kótarež se segaju wót měsćańskeje rallye, wó kólasowanju a padlowanju w Bĺotach až do specielneje góźinje nimšćiny za českich gósćow. Se wě, jo teke wulět do głownego města Barliń myslony, źož wukniki woglědaju do muzeja za nimske stawizny.

Wóstanjo naźeja, až wušy šołta pśiwzejo pśepšosenje gymnaziastow a pśiźo teke k prezentaciji źěłowych rezultatow na 15.5, na DSG.

Na zasejwiźenje

W ramiku šulskego partnarstwa jo dožywiło wót 12. – 18.10.08 15 wuknikow a wuknicow, pśedewšym z rědownjow 8. lětnika Dolnoserbskego gymnaziuma 6 źěła a dožywjenja połne dny pla českich gósćinarjow w Hořice.

W srjejźišću gromadnego projekta stoj wuźěłanje kalendarja, kótaryž Chóśebuz a Hořice prezentěrujo. Wukniki su za to fotografěrowali, mólowali, wugótowali na computerje layout a z tym jo se wupókazało zwězanje słowjańskeju rěcowu.

Gósći z Chóśebuza su se wjaselili teke nad wobšyrnym kulturnym programom. Wukniki na pśikład su gromadu gjarncarjowali a kjaglowali abo drogowali w českem paradizu. Wjerašk jo wót českich ceptarjow a starjejšych wugótowany wjacor był a teke wulět do głownego města Praga.

Lena Šubertojc jo groniła: „Jo tšašne a zajmne było, cuzu kulturu tak intenziwnje póznaś.“ Isabell Berkojc und Michelle Wetzkojc stej sprocniwje pśigłosyłej. „ W našych gósćeńskich familijach smy wšykne se culi derje, tak až jo nam rozžognowanje śěžko padnuło. Něnto se wjaselimy na woglěd wuknikow a ceptarjow z Hořice w nalěśu 2009.“

Na zasejwiźenje!